الشاعر حسين صادق العقابي | Telegram Webview: hussein

قصيدة لاستشهاد الزهراء ع

وين. يماي وعفتي من بعدچ ورد ذابل
وين. بچينه شكد عليچ آنه وابوفاضل

لكفيلي اشكي حالي.
الزمن ما خله غالي

...........

خويه عباس. الليله ذكره. تعز علينه
سير الموت. واخذ امنه. من ادينه

چانت امي خيمه. لكل طفله يتيمه. خويه شكد رحيمه. ويه الايتام
والباب بيهه ذكره. شكد دكتهه فقره. تمد چفهه امي سفره. كل الايام

تصوم بس تفطر بدمعة شكر لله
امي عاشت دنيه خلتهه عله الله

چان. اعله شيلتهه بخت بس هيه متعوبه
چان. اعله طاريهه الله يرضه ويقبل التوبه

ولامر اعله بالي. الزمن ماخله غالي

...........

تدري عباس. امنه تعبت. كل عمرهه
ليل ونهار. ماكو راحه. ياصبرهه

تتملك سجايا. من دنيانه هايه. بس سبحه وعبايه. والقناعه
تتعب امي ترضه. بس ما متعبه فضه. لله كلبهه نبضه. كلهه طاعه

امنه چم عيد اليمر وبنفس الهدوم
وتالي كوه يابو فاضل صارت تكوم

آه. لون تدري شجره لشيخة بني هاشم
آه. صفت وي دنيه ماترحم ولاوادم

يدمعات الليالي. الزمن ماخله غالي

........

بحضن دافي . ولمه حلوه. لامتنه
من اديهه. الزاد هوه. عافيتنه

تنطي وعاده ليهه. المحتاج اليجيهه. الخبزه البين اديهه. شكد تشكره
والعيد بينه لو مر. امي تكله حيدر. كبل اولادي قنبر. علي تذكره

عله السفره لو قليل الزاد امنه
تظل تسولف حتى نشبع خويه احنه

ليش. المثل امنه فلا تستاهل الدمعه
ليش. وصعب جر النفس عالمنكسر ضلعه

خفت ياخويه تالي. الزمن ماخله غالي

.......

لون حاضر. تشوف امي. شجره اعليهه
بدفعة الباب. من ضلعهه. دم بديهه

طبو شتمونه. خويه كبال ابونه. وضلع امنه الحنونه. خويه كسروه
من العصره امنه طاحت. بخدهه السطره لاحت. بويه يبويه صاحت. طفلي صابوه

والدي من شاف امي شهك شهكه
اجه يموت وكتلته اعله الزهره حرگه

صوت. يحيدر صاحت ولاتهتم لحالي
صوت. اريدنك تظل لخاطر عيالي

ابوي ايرد سؤالي. الزمن ماخله غالي

......

الزهره ذبلت. يوم عن يوم. يضعف الصوت
من الهضيمه. تدعي يارب. عجل الموت

توضت للمنيه. وتعاين عليه. تشوف الغاضريه. فوك المتون
لحسين منهه نظره. لصدره ومره نحره. ميته وهيه تقره. بدمع العيون

افأن مات محمد انقلبتم (فصيح)
ساق عرش الله ام ضلعي كسرتم (فصيح)

يوم. سمعت الناعي ينعه ماتت الزهره
يوم. الم بچفوفي احس وجدمي بي عثره

شفت كسره بخيالي. الزمن ماخله غالي

......

خويه كافي. خلي دمعك. بالنواظر
يريد منك. باچر دموع. يوم عاشر

بعينك ضمله دمعه. حسينك من تودعه. بعدك صوته ينعه. ضيم الكلوب
وانه من عله التل. ابقه عنك اسأل. وجدامي متندل. هاي الدروب.

الف هنياله الجره دمعه بهالمصاب
والقره الفاتحه لامي بذكرة الباب

صار. مصاب امي يتجدد خويه وبكل عام
صار. مجالس ترست الدنيا وعزه وخدام

العزه هوه البكالي. الزمن ماخله غالي

.......

نسألكم الدعاء
حسين صادق العقابي

www.tg-me.com/hk/الشاعر حسين صادق العقابي/com.hussein_alekaby/1992

2.0K viewsOct 21, 2023 at 18:43

tg-me.com/hussein_alekaby/1992

Create: 2023-10-21
Last Update: 2024-05-27 19:45:13

BY الشاعر حسين صادق العقابي

Warning: Undefined variable $i in /var/www/tg-me/post.php on line 280

Share with your friend now:
tg-me.com/hussein_alekaby/1992

Open in Telegram

الشاعر حسين صادق العقابي Telegram | DID YOU KNOW?

Date: 2024-05-27| الشاعر حسين صادق العقابي

Why Telegram?

Telegram has no known backdoors and, even though it is come in for criticism for using proprietary encryption methods instead of open-source ones, those have yet to be compromised. While no messaging app can guarantee a 100% impermeable defense against determined attackers, Telegram is vulnerabilities are few and either theoretical or based on spoof files fooling users into actively enabling an attack.

To pay the bills, Mr. Durov is issuing investors $1 billion to $1.5 billion of company debt, with the promise of discounted equity if the company eventually goes public, the people briefed on the plans said. He has also announced plans to start selling ads in public Telegram channels as soon as later this year, as well as offering other premium services for businesses and users.

الشاعر حسين صادق العقابي from hk

Telegram الشاعر حسين صادق العقابي
FROM USA